ایک ماحول دوست, معتدل بنگلہ..آپ کے خوابوں کی تعبیر!! | homify

Angebot anfragen

Nummer ist ungültig. Bitte überprüfen Sie die Ländervorwahl, Vorwahl und Telefonnummer.
Mit Klick auf 'Absenden', bestätige ich die Datenschutzbestimmungen gelesen zu haben & bin einverstanden meine Informationen zu verarbeiten um meine Anfrage zu beantworten.
Hinweis: die Einwilligung kann per E-Mail an privacy@homify.com widerrufen werden

ایک ماحول دوست, معتدل بنگلہ..آپ کے خوابوں کی تعبیر!!

Hamna – Homify Hamna – Homify
Casa Xixim Tropische Wohnzimmer von Specht Architects Tropisch
Loading admin actions …

جیسے جیسے دن چھوٹے اور موسم ٹھنڈا ہونا شروع ہوتا ہے ویسے ہی ہم گرم علاقوں کے خواب دیکھنا شروع کر دیتے ہیں۔ گرم ہوا، ساحل، ٹھنڈے مشروبات۔۔۔ اگر آپ بھی ایسے خواب دیکھتے ہیں اور اس کو حقیقت میں بدلنا چاہتے ہیں تو پھر یہ گھر آپ کو فورا ٹکٹ بک کروانے اور اپنا سامان تیار کرنے پر مجبور کر دے گا۔ اگر آپ کے لۓ یہ ممکن نہیں لیکن آپ اپنے گھر کے اندر ہی تبدیلیاں لانا چاہتے ہیں یا نیا گھر بنانا چاہتے ہیں تو اس ساحلی پناہ گاہ کو ضرور دیکھیں جو کہ ٹلم، میکسیکو میں واقع ہے۔

میکسیکو کی آرکیٹیکٹ فرم  SPECHT ARCHITECTS کی طرف سے تیار کردہ ہے یہ عمارت نہایت جدید، نئی اختراعات اور حیران کن انداز کا مسکن ہے۔  پائیدار اور خود انحصاری توانائی پر مبنی یہ نجی مسکن 'Casa Xisim'  سیاحوں کے لیے نۓ دور کا نقیب ہے۔ نا صرف آرکیٹیکٹ نے اسے ہرا بھرا رکھا ہے بلکہ اردگرد کے ماحول کو بھی ممکنہ حد تک اس میں شامل کیا ہے۔

  یہ مسکن ماحول کے لیے بے ضرر ہے۔ اس کو بنانے کے لیے اس بات کا بہت خیال رکھا گیا ہے کہ یہ کسی بھی طرح ماحول کے لیے نقصان دہ ثابت نہ ہو۔ آپ دنیا میں چاہے کسی بھی حصے میں رہتے ہوں، یہ انداز آپ کو اپنا گھر اس طرز پر بنانے کے لیے ضرور متاثر کرے گا

قدرتی طور پر ہوا دار

Casa Xixim Tropische Wohnzimmer von Specht Architects Tropisch

بڑی کھڑکیوں اور قابل توسیع دیواروں سے بنا ہوا کھلے طرز کا یہ ولا آپ کو بلا تعطل اردگرد کے حسین نظارے دیکھنے کے قابل بناتا ہے۔ اور گزرتی ہوئی ہوائیں قدرتی ہوا داری کا بھی انتظام کر کے پورے گھر کو ٹھنڈا رکھتی ہیں

بڑا مگر یگانگت والا

Casa Xixim Tropische Esszimmer von Specht Architects Tropisch

مشترکہ باورچی خانے اور کھانے کے کمرے سے کافی بڑی جگہ مل جاتی ہے جو کہ اکٹھے زیادہ لوگوں کی میزبانی کا موقع فراہم کرتی ہے۔ بلاشبہ یہاں پر ہر چیز بہت بڑے سائز کی ہے مگر پھر بھی لکڑی کے استعمال نے اس کو بہت قدرتی اور آرام دہ منظر عطا کیا ہے

مسلسل آسائش

Casa Xixim Tropische Pools von Specht Architects Tropisch

اندر اور باہر ہر جگہ قدرتی انداز لانا اس گھر کے بنیادی منصوبے میں شامل ہے۔ تالاب اور بیرونی آنگن وہ آسائش ہے جو زیادہ تر ماحول دوست گھروں میں نظر نہیں آتی۔ خوبصورت روشنیوں کی وجہ سے تمام مہمان آس پاس موجود درختوں اور پودوں کا مزا لے سکتے ہیں۔ اور ساحل پر دن یا رات کسی بھی وقت جا سکتے ہیں

وضع دار خوابگاہ

Casa Xixim Tropische Schlafzimmer von Specht Architects Tropisch

'Ocean Master Suite' ایک بہترین کمرہ ہے جس کی طلب کوئ بھی مہمان کر سکتا ہے۔ نہایت حسین کریبین کے منظر کے سامنے ہے بڑی مسہری جس کے گرد لہراتے سفید پردے اس کمرے کے حسن کو دوبالا کر رہی ہے۔ میز کی جگہ لکڑی کہ تختے اور ہاتھ سے بنے ہوۓ تکیے اور قالین نہایت پائدار اور آسانی سے صاف ہونے والے ہیں۔ یہ سامان ساحل پر گزارے ہوۓ دن کی نشانی، ریت سے بھرے ہوۓ پاؤں کے لیے بہترین ہیں

آرام ( اور بارش کے پانی کی ) کی جگہ

Casa Xixim Tropischer Balkon, Veranda & Terrasse von Specht Architects Tropisch

چاروں کمروں کی چھتیں  پوری کھولی جا سکتی ہیں جس سے نہایت وسیع اور مسحور کن منظر کا لطف لیا جا سکتا ہے۔ لکڑی سے مزید بالکنی میں بیٹھنے کی کافی جگہ موجود ہے۔ یہ بالکنی اس مسکن کے لیے اس لیے بھی بہت اہم ہے۔ ادھر بارش کا پانی جمع کیا جاتا ہے جو کہ بعد میں صاف کر کہ استعمال میں لایا جا سکتا ہے۔ کون کہتا ہے کہ ماحول دوست گھر خوبصورت، وضع دار اور نفیس نہیں لگ سکتا

نہایت مسحور کن چھت

Casa Xixim Tropischer Balkon, Veranda & Terrasse von Specht Architects Tropisch

اوپر چھت پر ڈیزائن ٹیم نے خاص طور پر مقامی پودے لگاۓ ہیں تاکہ ٹھنڈک بھی ملے اور یہ گھر آس پاس کہ ماحول میں آرام سے مدغم بھی ہو جاۓ۔ پورے گھر کے لیے استعمال ہونے والی اشعاعی توانائی چھت پر جمع کی جاتی ہے۔

اس کے علاوہ دھوپ سیکنے اور حسین مناظر سے لطف اندوز ہونے کے لیے یہ سب سے بہترین جگہ ہے

اگر آپ اس سے متاثر ہوۓ ہیں تو ادھر بھی نظر ڈالیے

VIO 302 - Terrasse Moderner Balkon, Veranda & Terrasse von FingerHaus GmbH - Bauunternehmen in Frankenberg (Eder) Modern

Sie suchen einen Architekten?
Schreiben Sie uns! Wir helfen Ihnen gerne.

Nach passenden Wohnideen stöbern