جدید انداز کا اپارٹمنٹ

Angebot anfragen

Nummer ist ungültig. Bitte überprüfen Sie die Ländervorwahl, Vorwahl und Telefonnummer.
Mit Klick auf 'Absenden', bestätige ich die Datenschutzbestimmungen gelesen zu haben & bin einverstanden meine Informationen zu verarbeiten um meine Anfrage zu beantworten.
Hinweis: die Einwilligung kann per E-Mail an privacy@homify.com widerrufen werden

جدید انداز کا اپارٹمنٹ

Resham Ejaz Resham Ejaz
Ausgefallene Wohnzimmer von Ayuko Studio Ausgefallen
Loading admin actions …

جب گھر کی سجاوٹ کی بات آئے تو ایک عمدہ اور حسین ماحول حاصل کرنے کے لیے آپ قدامت کو نظر انداز نہیں کر سکتے۔ اس کا مطلب یہ نہیں کہ آپ جدید زمانے کے تفاضوں کو پورا نہیں کر رہے بلکہ آپ ماضی سے سبق سیکھ کر اسے نئے انداز میں استعمال کر رہے ہوتے ہیں۔ آج ہم جس گھر کا سفر کرنے والے ہیں اسے سجانے والوں نے بھی یہی طریقہ اپنایا اور ہمارا خیال ہے کہ آپ بھی مان جائیں گے کہ اس کا نتیجہ لاجواب تھا۔

اس گھر میں دیواروں، فرنیچر اور سجاوٹ کے لیے یک رنگی سیاہ و سفید بنیاد استعمال کی گئی ہے مگر جگہ جگہ رنگوں کا اضافہ بھی کیا ہے جو یہاں زندگی لے آتا ہے۔ نئے کیے گئے قدیم فرنیچر کے استعمال کے ساتھ اس گھر میں قدامت پسند خوبصورتی موجود ہے۔ مگر پھر بھی کچن اور باتھ روم میں جدت چمکتی ہے جہاں آپ جدید تنصیبات اور نئی ٹیکنالوجی دیکھ سکتے ہیں اور یوں ایک ایسا گھر تخلیق پاتا ہے جو حسین بھی ہے اور عملی بھی۔ چلیے اس پر نزدیک سے ایک نظر ڈالتے ہیں!

رہنے کی جگہ

اس گھر میں ایک کھلی رہنے کی جگہ بنی ہے جہاں ایک کشادہ کمرے میں لاؤنج اور ڈائننگ کو اکٹھا کیا گیا ہے۔ اس جگہ میں سب سے پہلے جس چیز تر نظر جا ٹکتی ہے وہ مرکزی دیوار پر لگا دھاریوں والا وال پیپر ہے۔ وال پیپر انٹیریئر ڈیزائن کی دنیا میں دیواریں سجانے کے ایک متغیر اور قابل اعتبار طریقے کے طور پر واپس آ رہا ہے، اور ہمارا خیال ہے کہ یہ لاؤنج اس بات کا ثبوت ہے۔ اس کمرے میں ہم دیوار کے ڈیزائن، کشنز کے ڈیزائن اور نیچے رکھے قالین کے درمیان ایک دلچسپ مماثلت دیکھ سکتے ہیں جو ایک ساتھ مل کر متحرک سجاوٹ بناتے ہیں۔

داخلہ

ہم اس بےحد عملی داخلے سے ابتدا کرتے ہیں۔ ایک بہترین داخلے کے لیے آپ کو ضرورت ہے تو بس ایک کوٹ لٹکانے والے ریک اور جوتے اتارنے کے لیے جگہ کی اور یہ داخلہ ایک دھاریوں والے بنچ کی مدد سے یہ کام خوبصورتی سے کرتا دکھائی دیتا ہے۔  یہیں سے ہم گھر کی بے مثال سجاوٹ کی پیشن گوئی کر سکتے ہیں۔

سامان رکھنے کی جگہیں

اس گھر میں سامان چھپانے اور دکھانے کی بہت سی جگہیں موجود ہیں جو اس امر کو یقینی بناتی ہیں کہ آپ کا گھر بےترتیب یا گندا نہ ہو، جیسا کہ یہاں آپ یہ دیدہ زیب الماری اور کتابیں رکھنے کا شیلف دیکھ سکتے ہیں۔ یہ گھر اس فن پارے اور پھولوں کے نیلے گلدان جیسے رنگین آرائشی سامان سے سجایا گیا ہے جو ایک جیسے رنگوں میں خلل پیدا کرتے ہیں۔

کھانے کا کمرہ

کھانے کی میز ایک دلکش قدیم فرنیچر ہے جس کی مرمت کرنے کے بعد اس پر رنگ کیا گيا ہے، اور پرانے فیشن کی حسین جمالیات کی خاطر مختلف اقسام کی کرسیوں کو اس کے گرد اکٹھا کیا گیا ہے۔

خواب گاہ

خواب گاہ میں بہت سے نئے سجاوٹی عناصر شامل کیے گئے ہیں جن میں دیوار پر لگے لکڑی کے تختے، رنگوں کا اضافہ کرتا کاسنی تکیوں سے بنا ہیڈ بورڈ اور اس سب کے ساتھ ہم آہنگ نیلے پردے شامل ہیں۔ ہم اس خواب گاہ میں اور بھی حسین قدیم طرز کا سامان دیکھتے ہیں جیسا کہ یہ نازک سفید ڈیسک جو رہنے کے حصے سے دور کام کرنے کی علیحدہ جگہ فراہم کرتا ہے اور کمرے کی خوبصورتی میں بھی اضافہ کرتا ہے۔

باورچی خانہ

اگر کچن کی تنصیبات اور دوسرے سامان کو دیکھ جائے تو یہ بہت جدید ہے مگر ان لازوال لوہے کی الماریوں اور عام طور پر کھانا کھانے کے لیے لگائی گئی اونچی تراشیدہ میز کے ساتھ یا روایت کی ایک جھلک دکھاتا ہے۔ کمرے کے تینوں اطراف میں الماریاں لگانے سے کاؤنٹر کی بہت سی جگہ بن گئی ہے جس کی چھوٹے باورچی خانوں میں ہمیشہ بہت ضرورت رہتی ہے۔کچن کے لوازمات بھی قدیم انداز کے ہیں جو اس جگہ کو روشن بناتے چھت سے لٹکتے لیمپس کے ساتھ شاندار نظر آتے ہیں۔

گیسٹ باتھ روم

اس گھر میں دو غسل خانے موجود ہیں اور یہ والا مہمانوں کے لیے مختص ہے۔ لاؤنج سے یہاں تک آتا لکڑی کا فرش پچھلی دیوار پر چڑھ جاتا ہے جبکہ یہاں موجود سامان باقی سارے گھر کی طرح سیاہ و سفید ہے جو تمام جمالیات کو جیسے ایک ساتھ باندھ دیتا ہے۔

مرکزی باتھ روم

مرکزی باتھ روم میں ایک پر تعیش باتھ ٹب ہے اور سفید دیواروں کی وجہ سے یہ جگہ بڑی لگتی ہے۔ سیاہ و سفید چیک والے فرش کو دیوار پر لگے فن پاروں نے زینت بخشی ہے۔ گھر کے ہو حصے کی سجاوٹ پر توجہ دینے سے اس گھر کو سجانے والوں کے عزم کا اندازہ ہوتا ہے۔

کتنا جاذب نظر گھر ہے۔ یہ حقیقت میں جدید طریقے اور قدیم خوبصورتی کا بہترین امتزاج ہے۔ ایک اور خوبصورت گھر یہاں دیکھیے: ۵۰ لاکھ میں بنا ایک ۸ مرلے کا گھر۔

VIO 302 - Terrasse Moderner Balkon, Veranda & Terrasse von FingerHaus GmbH - Bauunternehmen in Frankenberg (Eder) Modern

Sie suchen einen Architekten?
Schreiben Sie uns! Wir helfen Ihnen gerne.

Nach passenden Wohnideen stöbern